Heintiau a drosglwyddir yn rhywiol (STIs)
Mae iechyd rhywiol yn fwy nag atal cenhedlu ac amddiffyn eich hun rhag clefydau a drosglwyddir yn rhywiol – mae'n ymwneud â gwneud dewisiadau cadarnhaol i chi a'ch partner. Mae gwasanaethau GDAS yn gallu cynnig darpariaeth Ymyriadau Clinigol, megis: sgrinio iechyd rhywiol, dulliau atal cenhedlu, sgrinio ar gyfer feirysau a gludir yn y gwaed (BBV) a HIV gan gynnwys brechu
Os ydych yn meddwl bod gennych STI, peidiwch â chynhyrfu. Ewch i'ch meddygfa neu siaradwch ag un o aelodau o staff GDAS neu eich clinig iechyd rhywiol lleol a chael prawf, a thriniaeth os oes angen.
Os oes gennych unrhyw bryderon neu os hoffech drafod pethau ymhellach, mae digon o gymorth a help ar gael trwy dîm GDAS. Dyma rai o'r gwasanaethau sydd ar gael:
-
Sgrinio chlamydia (trwy apwyntiad neu mae yna sesiynau galw heibio ar gael) a phrofion am heintiau eraill a drosglwyddir yn rhywiol
-
Dulliau atal cenhedlu, gan gynnwys condomau, mewnblaniadau a phigiadau
-
Profion beichiogrwydd
Gallwch gael rhagor o wybodaeth am y mathau o heintiau a drosglwyddir yn rhywiol, a'u symptomau, trwy fynd i'r ddolen isod neu lawrlwytho ein taflen.
Atal cenhedlu
P'un a ydych yn sengl neu mewn perthynas newydd, mae'r neges yn glir: os ydych yn cael rhyw, y ffordd orau o leihau'r tebygolrwydd o gael haint a drosglwyddir yn rhywiol (STI) yw defnyddio dull atal cenhedlu bob amser.
I gael rhagor o wybodaeth am ddulliau atal cenhedlu, ewch i'r ddolen isod.
Cymru Chwareus
Mae Cymru Chwareus yn darparu gwybodaeth iechyd rhywiol o ran cael mynediad at gyngor a phrofion yn eich ardal. Gallwch hefyd archebu pecynnau profi gartref am ddim ar gyfer heintiau a drosglwyddir yn rhywiol (STIs).
Cliciwch i gael rhagor o wybodaeth
Ymddiriedolaeth Terrence Higgins
Mae Ymddiriedolaeth Terrence Higgins yn cefnogi pobl y mae HIV ac iechyd rhywiol gwael yn effeithio arnynt.
Cliciwch i gael rhagor o wybodaeth
Twbercwlosis (TB)
Mae Twbercwlosis (TB) yn glefyd a achosir gan bacillus tiwbercwl Mycobacterium tuberculosis. Mae TB fel arfer yn effeithio ar yr ysgyfaint (ysgyfeiniol), ond gall effeithio ar rannau eraill o'r corff (allysgyfeiniol), megis y nodau lymff, yr esgyrn ac (yn anaml) yr ymennydd.
Cliciwch i gael rhagor o wybodaethHeintiau streptococol
Mae’r rhain yn unrhyw fath o haint a achosir gan y grŵp bacteria streptococws ("strep").
Mae yna lawer o fathau gwahanol o facteria Streptococci, ac mae heintiau'n amrywio o ran difrifoldeb o fân heintiau gwddf i heintiau yn y gwaed neu ar yr organau sy'n bygwth bywyd. Gellir trin y rhan fwyaf o heintiau streptococol â gwrthfiotigau.
I gael rhagor o wybodaeth gweler y ddolen:
Cliciwch i gael rhagor o wybodaethProblemau Cwsg
Rydym i gyd yn cael nosweithiau pan fyddwn yn ei chael yn anodd cwympo i gysgu neu'n cael ein hunain yn deffro yn y nos. Mae'r modd yr ydym yn cysgu a faint o gwsg y mae ei angen arnom yn wahanol i bob un ohonom ac yn newid wrth i ni fynd yn hŷn. Mae problemau cysgu yn gyffredin, a dylai'r awgrymiadau ar y dudalen hon helpu.
Cliciwch i gael rhagor o wybodaeth
Gwasanaethau Deintyddol Brys
Gwybodaeth am wasanaethau deintyddol yng Nghymru. Mae’n cynnwys dolenni i gyngor ar gael mynediad at wasanaethau deintyddol a manylion cyswllt gwasanaethau deintyddol a llinellau cymorth, gan gynnwys cysylltiadau brys y tu allan i oriau, ar gyfer gwasanaethau ledled Cymru. Byddwch hefyd yn dod o hyd i ddolenni i sefydliadau deintyddol cenedlaethol y DU.
Cliciwch i gael rhagor o wybodaeth
Breaking Free Ar-lein
Torri'n Rhydd o Ddefnyddio Sylweddau
Rhaglen cymorth adferiad seiliedig ar dystiolaeth
Cliciwch i gael rhagor o wybodaethMoving On In My Recovery
Mae Moving On In My Recovery yn ap rhad ac am ddim i gefnogi eich taith tuag at adferiad o gaethiwed i sylweddau. Mae’r ap Moving On In My Recovery yn tynnu ar brofiad bywyd pobl sy’n gwella o ddibyniaeth, ac mae hefyd wedi’i ategu gan ddamcaniaeth seicolegol ar ffurf Therapi Derbyn ac Ymrwymiad.
DAN 24/7
Llinell ffôn gymorth ddwyieithog rad ac am ddim yw DAN 24/7, sy’n darparu un pwynt cyswllt i unrhyw un yng Nghymru sydd am gael rhagor o wybodaeth a/neu help yn ymwneud â chyffuriau a/neu alcohol. Ffoniwch Dan 24/7 on 0808 808 2234 neu tecstiwch 81066.
Bydd y llinell gymorth yn cynorthwyo unigolion, eu teuluoedd, gofalwyr, a gweithwyr cymorth ym maes cyffuriau ac alcohol i gael mynediad at wasanaethau lleol a rhanbarthol priodol.